المكرونة النجرسكو

اكلة النهاردة زي ما اتعودنا لذيذة وسهلة
المقادير:             
• كيس مكرونة أقلام.
• نصف دجاجة (صدور )مسلوقة ومخلية من العظم
• 1/2 كوب جبنة مونزاريلا أو شيدر.
• 3 معالق كبيرة زبدة.
• 1/2 كوب كبير دقيق.
• 4 كوبايات لبن.
• ملح وفلفل.
• بيضة.

الطريقة:
1- هنسلق المكرونة عادي ونصفيها

2- بعد كده هنجهز البشاميل : نسخن الزبدة ونضيف إليها الدقيق مع التقليب لغاية ما لون الدقيق يبقي ذهبي بعد كده نضيف إليه اللبن تدريجيا مع التقليب المستمر لغاية ما يبقى قوامه سميك،ثم نضيف إليه الملح والفلفل الأسود ونشيليه من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض.

3- هنجيب قطع الدجاج المخلية ونضيفها إلى المكرونة ونضيف إليهم قليل من المونزاريلا ونقلبهم مع بعض كويس.

4- هنجيب صينية فرن وندهنها بشوية زيت قليل خالص و بشاميل وبعد كده نحط فيها المكرونة والفراخ والموتزاريلا وبعد كده نغطي وش الصينية بطبقة من البشاميل.

5- هندخل الصينية في فرن متوسط الحرارة لمدة ساعة إلا ربع وبعد كده نخرجها ونحط على وشها باقي الجبنة الموتزريللا أو الشيدر وندخلها الفرن تاني لغاية ما لونها ما يبقى ذهبي نخرجها ونقطعها ونحطها في طبق التقديم.

وطبعا ماتنسوش السلطة الخضراء .بالهنا والشفا